பண்ருட்டி தி.வேல்முருகன்: ஆகஸ்ட் 2013

தமிழக வாழ்வுரிமைக் கட்சியின் தஞ்சை மாவட்ட செயற்குழு கூட்டம்: தி. வேல்முருகன் சிறப்புரையாற்றினார்

புதன், 28 ஆகஸ்ட், 2013

தமிழக வாழ்வுரிமைக் கட்சியின் தஞ்சை மாவட்ட செயற்குழு கூட்டம் தஞ்சையில் 26/08/2013 அன்று நடைபெற்றது. கூட்டத்திற்கு பொதுச்செயலாளர் காவேரி தலைமை தாங்கினார். மாநில துணைப்பொதுச்செயலாளர் ஆர்.பி.தமிழ்நேசன் தொடக்க உரை ஆற்றினார். தஞ்சை தெற்கு மாவட்ட செயலாளர் வழக்கறிஞர் முத்துமாரியப்பன் வரவேற்றுப் பேசினார்.

கூட்டத்தில் தமிழக வாழ்வுரிமைக்கட்சியின் நிறுவன தலைவர் வேல்முருகன் கலந்து கொண்டு பேசினார். கூட்டத்தில் மாநில இணைப்பொது செயலாளர் சண்முகம், அமைப்பு செயலாளர் காமராஜ், மாநில துணை பொது செயலாளர்கள் கனல்கண்ணன், சரவணன், மாநில பொது செயலாளர் சாமிநாதன், துணைப்பொதுச்செயலாளர் சரவணதேவா, வடக்கு மாவட்ட பொறுப்பாளர் முகமதுஆரிப் மற்றும் மாநில, மாவட்ட நிர்வாகிகள், தொகுதி நிர்வாகிகள், ஒன்றிய, நகர நிர்வாகிகள் உள்பட பலர் கலந்து கொண்டனர். செல்வம் நன்றி கூறினார்.

கூட்டத்தில் நிறைவேற்றப்பட்ட தீர்மானங்கள் :

1. மேட்டூர் அணையில் இருந்து தண்ணீர் வந்தும் இன்று வரை விவசாயிகள் பயிரிட முடியவில்லை. எனவே பயிர்க்கடன், உரக்கடன், விதைநெல் போன்ற இடுபொருட்களை உடனே வழங்க கூட்டுறவு வேளாண்மை கடன் சங்கங்களுக்கு தமிழக அரசு உத்தரவிட வேண்டும்.

2. தஞ்சை, கும்பகோணம், பட்டுக்கோட்டை நகராட்சிகளில் உள்ள கழவறைகள் சுகாதாரக்கேடுகளுடன் உள்ளன. எனவே சரிவர பராமரிக்காத கழிவறைகளின் ஒப்பந்தத்தை ரத்து செய்து மறு ஒப்பந்தம் செய்ய வேண்டும். இல்லையென்றால் நகராட்சியே நடத்த வேண்டும்.

3. தஞ்சையில் இருந்து சென்னைக்கு, சென்னையில் இருந்தும் தஞ்சைக்கு விரைவு ரெயில் உடனே அறிவிக்க வேண்டும். தஞ்சையில் இருந்த முன்பு இயக்கப்பட்ட அனைத்து ரெயில்களும் மீண்டும் இயக்கப்பட வேண்டும்.

4. தஞ்சை புதிய பஸ் நிலையத்தில் நகராட்சிக்குட்பட்ட இடத்தில் காய்கறி வணிக சந்தை அமைக்க வேண்டும்.

5. தஞ்சை மாவட்டத்தில் அனைத்து சட்டமன்ற தொகுதிகளிலும், ஒன்றியம் வாரியாக கிளை கூட்டங்கள் நடத்தி கொடியேற்று விழா நடத்துவது

என்பது உள்பட பல்வேறு தீர்மானங்கள் நிறைவேற்றப்பட்டன.

மெட்ராஸ் கபே திரைப்படத்தை தமிழ்நாட்டில் எந்த திரையரங்கிலும் திரையிட விடமாட்டோம் : பண்ருட்டி தி.வேல்முருகன் எச்சரிக்கை

வெள்ளி, 23 ஆகஸ்ட், 2013

மெட்ராஸ் கபே திரைப்படத்தை தமிழ்நாட்டில் எந்த திரையரங்கிலும் திரையிட விடமாட்டோம் என்று தமிழக வாழ்வுரிமைக் கட்சி நிறுவனர் பண்ருட்டி தி.வேல்முருகன் கூறி உள்ளார்.

இது குறித்து தமிழக வாழ்வுரிமைக் கட்சி நிறுவனர் பண்ருட்டி தி.வேல்முருகன் வெளியிட்டுள்ள அறிக்கை:

ஈழத் தமிழர்களின் ஈழ விடுதலையை கொச்சைப்படுத்தி ஈழ விடுதலை போராளிகளை தீவிரவாதிகளாக சித்தரித்து எடுக்கப்பட்டுள்ள மெட்ராஸ் கபே திரைப்படத்தை தமிழக அரசு உடனடியாக தடை செய்ய வேண்டும். தமிழக மக்களின் உணர்வுகளுக்கு மதிப்பளித்து படத்தை வெளியிடுவதை படத்தயாரிப்பாளர்கள் கைவிட வேண்டும். இந்த படத்தை மீறி வெளியிட முயற்சித்தால் தமிழக வாழ்வுரிமைக் கட்சியின் தொண்டர்கள் அதனை தடுத்து நிறுத்துவார்கள் என்று எச்சரிக்கிறோம்.

தானே புயலில் பாதிக்கப்பட்ட மக்களுக்கு வீடு கட்டும் திட்டத்திற்கு கூடுதல் நிதி ஒதுக்க தமிழக வாழ்வுரிமைக் கட்சி நிறுவனர் பண்ருட்டி தி.வேல்முருகன் கோரிக்கை

புதன், 21 ஆகஸ்ட், 2013

தானே புயலில் பாதிக்கப்பட்ட மக்களுக்கு வீடு கட்டும் திட்டத்திற்கு கூடுதல் நிதி ஒதுக்க தமிழக வாழ்வுரிமைக் கட்சி நிறுவனர் பண்ருட்டி தி.வேல்முருகன் கோரிக்கை விடுத்துள்ளார்.

தமிழக வாழ்வுரிமைக் கட்சி நிறுவனர் பண்ருட்டி தி.வேல்முருகன் முதல்வர் ஜெயலலிதாவுக்கு அனுப்பியுள்ள கடிதம்:

தமிழக அரசு வீடு இல்லாதவர்களுக்கு வீடு கட்டும் திட்டத்தை சிறப்பாக செயல் படுத்தி வருகிறது. கடலூர், விழுப்புரம் மாவட்டத்தில் தானே புயல் வீடு கட்டும் திட்டத்திற்கு கூடுதல் நிதியை வழங்கி உதவுமாறு தமிழக முதல்வரை கேட்டுக் கொள்கிறேன். இந்திரா நினைவு குடியிருப்பு திட்டத்தின் கீழ் மத்திய அரசும், மாநில அரசும் இணைந்து ரூபாய் ஓரு லட்சம் வழங்கிய நிதியை ரூபாய் ஓரு லட்சத்து இருபதாயிரம் ஆகவும், முதலமைச்சரின் சூரியசக்தியுடன் கூடிய பசுமை வீடு கட்டும் திட்டத்திற்கு ரூபாய் ஓரு லட்சத்து என்பதாயிரமாக இருந்ததை ரூபாய் முப்பதாயிரம் உயர்த்தி ரூபாய் இரண்டு லட்சத்து பத்தாயிரமாக வழங்க அரசு ஆணை பிறப்பித்துள்ளது. ஆனால் தானே புயலால் கடுமையாக பாதிக்கப்பட்ட கடலூர் மாவட்டத்திற்கு, தானே புயல் வீடு கட்டும் திட்டத்திற்கு ஓதுக்கப்பட்ட நிதி போதுமானதாக இல்லை. வீடு கட்டுபவரே தனது உடல் உழைப்பை கொடுத்தும், கட்டுமான பொருள்களின் விலை உயர்வினால் வீடு கட்ட இந்த நிதி போதாது. எனவே தமிழக அரசு கூடுதலாக ரூபாய் ஐம்பதாயிரம் ஓதுக்கி ரூபாய் ஓரு லட்சத்து ஐம்பதாயிரம்மாக வழங்க வேண்டுமாறு தமிழக முதல்வரை கேட்டுக் கொள்கிறேன்.

என்.எல்.சிக்கு வீடு நிலம் கொடுத்து தானே புயலில் பாதிக்கப்பட்ட சுற்று வட்டார கிராமங்களுக்கு என்.எல்.சி நிறுவனம் எந்த நிதி உதவியும் இது வரை வழங்கவில்லை. எனவே தானே புயல் வீடு கட்டும் பயனாளிகளுக்கு என்.எல்.சி நிறுவனம் கூடுதலாக ரூபாய் ஓரு லட்சம் வழங்க வேண்டும் என்று கேட்டுக் கொள்கிறேன்.

தமிழக மீனவர்கள் தாக்கப்படுவதை தடுத்து நிறுத்தாத மத்திய அரசைக் கண்டித்து தி.வேல்முருகன் தலைமையில் தூத்துக்குடி வணிகவரித் துறை அலுவலகம் முற்றுகைப் போராட்டம்: ஆயிரக்கணக்கானோர் கைது

செவ்வாய், 20 ஆகஸ்ட், 2013

தனியாரிடம் உள்ள தூத்துக்குடி டாக் தொழிற்சாலையை அரசே ஏற்று நடத்த வலியுறுத்தியும், இலங்கை ராணுவத்தினரால் பாதிக்கப்பட்டுவரும் தமிழக மீனவர்களை பாதுகாக்க நடவடிக்கை எடுக்காத மத்திய அரசை கண்டித்தும் தமிழக வாழ்வுரிமைக் கட்சி சார்பில் தூத்துக்குடியில் வருமானவரித்துறை அலுவலகத்தை முற்றுகையிடும் போராட்டம் இன்று 20.08.2013 காலை 11.00 மணி அளவில் நடந்தது. போராட்டத்திற்கு மாநில துணை பொதுச்செயலாளர் மாரிச்செல்வம் தலைமை வகித்தார்.

முற்றுகைப் போராட்டத்தில் தமிழக வாழ்வுரிமைக் கட்சியின் நிறுவனர் பண்ருட்டி தி.வேல்முருகன் பேசியது:

கடலுக்கு மீன்பிடிக்க செல்லும் தமிழக மீனவர்கள் இலங்கை ராணுவத்தினரால் சுட்டுக்கொல்லப்படுவதுடன், ஜனநாயகத்திற்கு விரோதமாக கொடுமையாக தாக்கப்பட்டு வருகின்றனர். மீனவர்களை பாதுகாக்க மத்திய அரசு இதுவரை எந்தவித முயற்சியும் மேற்கொள்ளவில்லை. இலங்கை ராணுவத்தினை கண்டிக்காத மத்திய அரசு மீனவர்கள் தங்ளைத்தானே பாதுகாத்துக்கொள்ள அவர்கள் துப்பாக்கி வைத்துக்கொள்வதற்கு அனுமதிக்கவேண்டும். மேலும் தமிழக மீனவர்களை பாதுகாத்திட கச்சத்தீவை மீட்கவேண்டும். எம்.ஜி.ஆர் அவர்களால் துவங்கப்பட்ட டாக் தொழிற்சாலை கடந்த 6மாத காலமாக பூட்டப்பட்டுள்ளது. இதனால் தொழிலாளர்கள் வேலையில்லாமல் தவிக்கும் நிலையில் இதனை நம்பி வாழ்ந்துவரும் மறைமுக தொழிலாளர்கள் என 3ஆயிரத்திற்கும் மேற்ப்பட்டவர்கள் பாதிக்கப்பட்டுள்ளனர். எனவே டாக் தொழிற்சாலையை அரசே ஏற்று நடத்தவேண்டும்.

தூத்துக்குடி மாவட்டத்தில் நடந்துவரும் தாதுமணல் கொள்ளை குறித்து ஆய்வு செய்ய தமிழக அரசு ஆய்வுக்குழுவை நியமித்துள்ளது. ஆய்வுக்குழு கொடுக்கும் அறிக்கையினை பெற்று அரசு சம்மந்தப்பட்டவர்கள் மீது வழக்குப்பதிவு செய்து கைது செய்வதுடன், அவர்கள் முறைகேடாக சம்பாதித்த அனைத்தையும் பறிமுதல் செய்யவேண்டும். இந்த ஆய்வு வெறும் கண்துடைப்பாக இல்லாமல் தவறு செய்தவர்களுக்கு பாடமாகவும், படிப்பினையாகவும் இருக்கவேண்டும் என்றார். இதனைத்தொடர்ந்து வேல்முருகன் தலைமையில் தூத்துக்குடி பழைய மாநகராட்சி அலுவலகம் முன்பிருந்து வருமானவரித்துறை அலுவலக முற்றுகைப் போராட்டத்தில் மாநில பொதுச்செயலாளர் காவேரி வை.காவேரி, மாநில துணைப் பொதுச் செயலாளர் கருப்பு சரவணன், மாநில இளைஞசரணி தலைவர் ரவிபிரகாஷ் உள்ளிட் முயன்ற ஆயிரக்கணக்கானோரை டி.எஸ்.பி.பெஸ்கி தலைமையிலான போலீசார் கைது செய்தனர்.

தமிழக மீனவர்கள் தாக்கப்படுவதை தடுத்து நிறுத்தாத மத்திய அரசைக் கண்டித்து தமிழக வாழ்வுரிமைக் கட்சி சார்பில் தூத்துக்குடி மத்திய அரசின் வணிகவரி அலுவலக முன் கண்டன முற்றுகைப் போராட்டம் - தி.வேல்முருகன் அறிவிப்பு

திங்கள், 19 ஆகஸ்ட், 2013

இலங்கைக் கடற்படையினரால் தமிழக மீனவர்கள் தாக்கப்படுவதை தடுத்து நிறுத்தாத மத்திய அரசின் மெத்தனப் போக்கைக் கண்டித்து தமிழக வாழ்வுரிமைக் கட்சி தூத்துக்குடியில் கண்டன முற்றுகைப் போராட்டம் நடைபெறும் என தமிழக வாழ்வுரிமைக் கட்சியின் நிறுவனர் பண்ருட்டி தி.வேல்முருகன் தெரிவித்துள்ளார்.

தமிழக வாழ்வுரிமைக் கட்சியின் நிறுவனர் பண்ருட்டி தி.வேல்முருகன் வெளியிட்டுள்ள அறிக்கை:

1974 ம் ஆண்டு ஏற்படுத்தப்பட்ட இந்திராகாந்தி, ஜெயவர்த்தனே ஒப்பந்தத்தின் படி கச்சத்தீவை இலங்கையிடம் ஒப்படைத்ததால் தமிழக மீனவர்கள் நடுக்கடலில் மீன் பிடிக்கச் செல்லும் போது எல்லை தாண்டி மீன் பிடித்தனர், என்ற குற்றம் சாட்டி இலங்கைக் கடற்படையினரால் இதுவரையில் 600க்கும் மேற்பட்டவர்கள் துப்பாக்கியால் சுட்டுக் கொல்லப்பட்டனர், 400க்கும் மேற்பட்டவர்கள் சிறையில் அடைக்கப்பட்டு, தமிழக அரசின் நெருக்கடியினால் மத்திய அரசு இலங்கை அரசுடன் பேச்சு வார்த்தை நடத்தி விடு விக்கப்பட்டுள்ளனர், விவசாயிகள் , வணிகர்கள் மற்றும் அரசு பணியாளர்கள், இயற்கை சீற்றத்தினால் பாதிக்கப்பட்ட போதிலும் அந்நிய நாட்டாரின் அச்சுறுத்தலின்றி அமைதியான முறையில் வாழ்ந்து வருகின்றனர்.ஆனால் கடல் நீரையே வாழ்க்கையின் ஜுவாதாரமாகக் கொண்டு நடுராத்திரியில் மீன் பிடிக்கச் செல்லும் கன்னியாகுமரி, தூத்துக்குடி, நாகப்பட்டினம, இராமநாதபுரம் மாவட்டங்களைச் சேர்ந்த மீனவர்கள் எல்லை தாண்டி விட்டனர் என்று இலங்கைக் கடற்படையினரால் அடிக்கடி கைது செய்யப்பட்டு சிறையில் அடைக்கப்படுவதும், மீன்பிடி படகுகள் அடித்து நொருக்கப்படுவதும், மீனவர்கள், தாக்கப்படுவதும் வாடிக்கையாகிவிட்டது.

இராசபக்சேவின் கொடுங்கோல் ஆட்சியின் கீழ் இயங்கி வரும், இலங்கைக் கடற்படையினரின் தாக்குதல்களை மத்திய அரசு தடுத்து நிறுத்தி,மீனவர்களைக் காப்பாற்றத் தவறியதை வண்மையாகக் கண்டித்து வருகின்ற 20.08.2013ம் தேதியன்று தூத்துக்குடியில் மத்திய அரசின் வணிகவரி அலுவலக முன்பு காலை 11 மணியளவில் தமிழக வாழ்வுரிமைக் கட்சியின் சார்பாக கண்டன முற்றுகைப் போராட்டம் நடைபெற உள்ளது, இந்த முற்றுகைப் போராட்டத்திற்கு தமிழ் உணர்வாளர்களும், இயக்கத்தின் அனைத்து நிலைப் பொறுப்பாளர்களும், பங்கேற்று சிறப்பிக்கும்படி அன்புடன் கேட்டு கொள்கின்றேன்.

அன்புடன்

தி.வேல்முருகன்
நிறுவனர்
தமிழக வாழ்வுரிமைக் கட்சி

T.Velmurugan's Tamizhaga Vaazhvurimai Katchi (TVK) now a registered political party

ஞாயிறு, 18 ஆகஸ்ட், 2013

The Election Commission has registered the Tamizhaga Vaazhvurimai Katchi (TVK), floated by former MLA T.Velmurugan, as a registered political party under Section 29A of the Representation of the People Act 1951. A communication issued by the Election Commission in this regard was released by Mr Velmurugan to the presspersons. It states that registration will not entitle the party to the reservation of any exclusive symbol for it. However, the candidates duly set up by the party at an election will be entitled to the benefit of preference in allotment of free symbol over independent candidates. The party is required to submit to the Election Commission a report of contribution received in excess of Rs 20,000 in a financial year in the prescribed format, quoting the Permanent Account Number. The Election Commission has also informed that it is not concerned with the flags of political parties.

Panruti T. Velmurugan’s Tamizhaga Vaazhvurimai Katchi (TVK) Gets Election Commission of India (ECI) Approval

சனி, 17 ஆகஸ்ட், 2013

Former Panruti MLA Panruti T. Velmurugan’s Tamizhaga Vaazhvurimai Katchi (TVK) was registered as a political party under Section 29A of the Representation of the People Act, 1951, on and with effect from 24, July 2013, the letter from Election Commission of India (ECI) said

இந்திய தேர்தல் ஆணையம் தமிழக வாழ்வுரிமைக் கட்சிக்கு அங்கீகாரம்: பண்ருட்டி தி.வேல்முருகன் மற்றும் நிர்வாகிகள் கொண்டாட்டம்

வெள்ளி, 16 ஆகஸ்ட், 2013

இந்திய தேர்தல் ஆணையம் தமிழக வாழ்வுரிமைக் கட்சிக்கு அங்கீகாரம் அளித்ததை அடுத்து தமிழக வாழ்வுரிமைக் கட்சி நிறுவனர் பண்ருட்டி தி.வேல்முருகன் மற்றும் நிர்வாகிகள் மகிழ்ச்சியோடு கொண்டாடியது குறித்து நாளேட்டில் வந்துள்ள செய்தி

கோ. தெய்வசிகாமணி அவர்கள் எழுதிய "தடம்பதித்த முன்னோர்கள்" புத்தக வெளியீட்டு விழா - பண்ருட்டி தி.வேல்முருகன் பங்கேற்பு

ஞாயிறு, 11 ஆகஸ்ட், 2013

விருத்தாசலத்தை அடுத்த வேட்டுக்குடி கிராமத்தைச் சேர்ந்த எழுத்தாளர் அய்யா நடவு கோ. தெய்வசிகாமணி அவர்கள் எழுதிய தடம்பதித்த முன்னோர்கள் என்ற புத்தக வெளியீட்டு விழா 10/08/2013 அன்று நடைபெற்றது. புத்தகத்தை வெளியிடுபவர் தமிழக வாழ்வுரிமைக் கட்சி நிறுவனர் இளம்புயல் பண்ருட்டி தி.வேல்முருகன் அவர்கள். பதிவை பெற்று கொண்டவர் முன்னாள் மாவட்ட நீதிபதி அவர்கள்

அய்யா நடவு கோ. தெய்வசிகாமணி

ஆசிரியர் கோ.தெய்வசிகாமணி அவர்கள் பற்றிய வரலாறு

ஆசிரியர் கோ.தெய்வசிகாமணி அவர்கள் திருமுதுகுன்றம்(விருத்தாசலம்) தமிழுலகிற்குப் பல திறமையான எழுத்தாளர்களை வழங்கியுள்ளது. அவர்களுள் குறிப்பிடத் தகுந்தவர் கோ. தெய்வசிகாமணி அவர்கள் ஆவார்.
கோ. தெய்வசிகாமணி அவர்கள் விருத்தாசலம் வட்டம் வேட்டக்குடி என்னும் சிற்றூரில் வாழ்ந்த திருவாளர் கோவிந்தசாமி, இராசாம்பாள் இணையருக்கு மகனாகப் பிறந்தவர். இவருடன் இரு தம்பியும், ஒரு தங்கையும் உடன் பிறந்தவர்கள். கோ.தெய்வசிகாமணி அவர்கள் வேட்டக்குடியில் தொடக்கக் கல்வியையும், கொசப்பள்ளத்தில் நடுநிலைக் கல்வியையும், திருமுதுகுன்றத்தில் உயர்நிலைப் பள்ளிக் கல்வியையும் முடித்தவர். கடலூரில் ஆசிரியர் பயிற்சி முடித்தவர். இவர் உயர்நிலைப் பள்ளியில் பயின்றபொழுது பள்ளியில் முதல் மாணவராகத் தேறியர். 20 கி.மீ.தூரம் நாளும் நடந்து சென்று படித்தவர்.
கோ.தெய்வசிகாமணி அவர்கள் 1967 இல் மு.பரூர் உயர்நிலைப் பள்ளியில் இடைநிலை ஆசிரியராகப் பணியைத் தொடங்கியவர். 38 ஆண்டுகள் ஆசிரியர் பணியாற்றி 2005 இல் ஓய்வுபெற்றவர். ஆசிரியர் கோ. தெய்வசிகாமணி அவர்கள் 1968 இல் பழனியம்மாள் அவர்களை இல்வாழ்க்கைத் துணைவியாக ஏற்றவர். இவர்களுக்கு மூன்று பெண் மக்கள்.
1973 இல் புத்திலக்கியங்களில் ஈடுபாடும், 1980 - 81 இல் திரைப்படத் திறாய்விலும் ஈடுபாடுகொண்டு அத்துறைகளில் குறிப்பிடத்தகுந்த பங்களிப்புகளைச் செய்துள்ளார். 1994 இல் மணிமுத்தா நதி மக்கள் மன்றத்தில் இணைந்து பணிபுரிந்தார். 1998 இல் விளிம்புநிலை மக்கள் கலை இலக்கியப் படைப்பாளிகள் அமைப்பில் இணைந்து பணிபுரிந்தார்.
2001 இல் நடவு என்ற இதழைத் தொடங்கி 2010 வரை 25 இதழ்களை வெளியிட்டார். இதுவரை 60 சிறுகதைகளையும், 70 கட்டுரைகளையும் , ஒரு புதினத்தையும் வெளியிட்டுள்ளார். 2004 இல் சிதையும் கூடுகள், 2008 இல் வடுவின் ஆழம் என்ற இரு சிறுகதைத் தொகுப்புகளை வெளியிட்டுள்ளார்.
2010 இல் இவர் வெளியிட்ட கானல்காடு புதினம் தமிழகப் புதின வரலாற்றில் குறிப்பிடத்தக்க புதினமாகும். கொடுக்கூர் ஆறுமுகம் என்ற சமூகத் தலைவரின் வாழ்க்கை எவ்வாறு மாற்றம்பெற்றது என்பதை அழகிய புதினமாகத் தீட்டியுள்ளார். உடையார்பாளையம் வட்டத்தின் அரிய படைப்பாக இந்த நூல் கருதத் தக்கது.
தடம்பதித்த முன்னோர்கள், கதவற்ற வீடு என்ற படைப்புகளை எழுதி வெளியிடும் நிலையில் வைத்திருந்தார். 20.09.2012 இரவு 7.15 மணிக்கு மாரடைப்பால் இயற்கை எய்தினார்.

கூடங்குளம் அணு உலை எதிர்ப்பு கூட்டமைப்பு சார்பில் சென்னை ஆட்சியர் அலுவலகம் அருகே ஆர்ப்பாட்டம்: பண்ருட்டி தி. வேல்முருகன் பங்கேற்பு

சனி, 10 ஆகஸ்ட், 2013

கூடங்குளம் அணு உலை எதிர்ப்பு கூட்டமைப்பு சார்பில் இன்று 10/08/2013 காலை 10.00 மணி அளவில் சென்னை ஆட்சியர் அலுவலகம் அருகே ஆர்ப்பாட்டம் நடந்தது. ஆர்ப்பாட்டத்தில் கூடங்குளம் அணு உலையை மூட வலியுறுத்தி கோஷங்கள் எழுப்பினார்கள்.

ஆர்ப்பாட்டத்தில் மதிமுக பொதுசெயலாளர் வைகோ, தமிழக வாழ்வுரிமைக் கட்சி நிறுவனத் தலைவர் பண்ருட்டி தி. வேல்முருகன், துணைப்பொதுச் செயலாளர் சத்ரியன் து.வெ. வேணுகோபால், முன்னாள் எம்.எல்.ஏ.க்கள் காவேரி, காமராஜ், மனித நேய மக்கள் கட்சி தலைவர் ஜவாஹிருல்லா எம்.எல்.ஏ. பெரியார் திராவிட கழக தலைவர் கொளத்தூர் மணி, மே 16 இயக்க தலைவர் திருமுருகன், ம.தி.மு.க. துணை பொது செயலாளர் மல்லை சத்யா, மாவட்ட செயலாளர்கள் வேளச்சேரி மணிமாறன், ஜீவன், பாலவாக்கம் சோமு, கவுன்சிலர் சிமா பசீர், குமரி விஜயகுமார், நன்மாறன், மகரூப்பு, தென்றல், நிசார், பெரம்பூர் ந.பாஸ்கர் உள்பட பலர் கலந்து கொண்டனர்.

ஆர்ப்பாட்டத்தில் ம.தி.மு.க. பொது செயலாளர் வைகோ கூறியது:

கூடங்குளம் அணுமின் நிலையம் அமைத்தால் அதன் மூலம் ஏற்படும் பாதிப்பு ஆயிரக்கணக்கான ஆண்டுகளுக்கு நமது சந்ததிகளை அழித்து விடும். எனவே தான் அணு உலை எதிர்ப்பு அமைப்புகள் ஒருங்கிணைந்து இன்று இந்த போராட்டத்தில் ஈடுபட்டு உள்ளோம். அணு உலையில் இருந்து வெளியேறும் அணு கழிவுகள் கடலில் கொட்டப்படும். இதனால் கடல் வாழ்வாதாரம் பாதிக்கும்.

இலங்கையில் தமிழர்கள் உயிர்களை அழித்தது போதாது என்று மத்திய அரசு மேலும் தமிழர்களின் வாழ்வை சீர் அழிக்க அணு உலை மூலம் முடிவு செய்து உள்ளது. கூடங்குளம் அணு உலை மூலம் 2 ஆயிரம் மெகாவாட் மின்சாரம் உற்பத்தி செய்யப்படும். அதில் 900 மெகாவாட் மின்சாரம் தமிழகத்துக்கு வழங்கப்படும் என்று கூறுகிறார்கள். ஆனால் தினமும் அங்கிருந்து 140 மெகாவாட்டுக்கு மேல் தர முடியாது என்பது தான் உண்மை. மத்திய மாநில அரசுகள் தமிழக மக்களை ஏமாற்றுகிறது. இதற்கு எதிர்ப்பு தெரிவித்து தான் நியாயமான போராட்டத்தில் ஈடுபட்டு உள்ளோம். கூடங்குளம் அணு உலை மூட படும் வரை எங்கள் போராட்டம் தொடரும்.

கடந்த மே 6–ந்தேதி சுப்ரீம் கோர்ட்டு வழங்கிய தீர்ப்பின் நிபந்தனைகளை அமல் படுத்தாமல் கூடங்குளத்தில் அணு மின் நிலையம் செயல்பட தொடங்கி உள்ளது. இது சுப்ரீம் கோர்ட்டை அவமதிக்கும் செயல். கூடங்குளம் அணு உலைக்கு எதிராக போராடியவர்கள் மீது போடப்பட்டு உள்ள வழங்குகளை வாபஸ் பெற வேண்டும் என்று சுப்ரீம் கோர்ட்டு உத்தரவிட்ட பிறகும் வாபஸ் பெறவில்லை. தமிழகம் மற்றும் கேரளாவை சேர்ந்த 59 விஞ்ஞானிகள் பழுதடைந்த கருவிகளின் உதிரி பாகங்கள் கூடங்குளத்தில் பயன்படுத்த படுவதாகவும் அதை அகற்றி விட்டு புதிய உதிரி பாகங்களை இணைக்க வேண்டும் என்று வலியுறுத்தினார்கள். அதை கண்டு கொள்ளவில்லை. இவ்வாறு அவர் கூறினார்.